Euro-Par 2017

Em outono de 2016 o Departamento de Eletrônica da USC acercou-se à Sacauntos para contratar o desenho de imagem, web e cartelaria da ediçom 23 do congresso EuroPar –o principal congresso internacional europeu de computaçom paralela e distribuída, ao que anualmente atendem pessoas de todo o mundo.

Junto com a empresa de organizaçom de eventos Trevisani, ao longo do ano fomos trabalhando os elementos gráficos do encontro, bem como a produçom dos mesmos.

Imagem e motivo base

 

O objectivo principal era renovar a imagem clássica do congresso, que em anos anteriores se baseara em imagens de equipamento informático ou em elementos turísticos da cidade que o acolhera. Na nossa proposta, optamos por procurar uma representaçom abstrata e geométrica da temática do congresso: a ideia do paralelismo e a multiplicidade.

À geometria somamos o esquema de cores inspirados no ZX Spectrum dos anos 80 –uma forma de estabelecer uma conexom emocional com a audiência objectivo, parte da qual iniciou a sua trajetória na informática com essas máquinas ou outras semelhantes.

Modificamos as cores ajustando o azul a uma tonalidade de verde, e reforçamos o efecto nostálgico suavizando ligeiramente a saturaçom para manter a sensaçom vintage. Aplicado à ideia geométrica do paralelismo repetido múltiplas vezes produzimos o motivo base da imagem do congresso:

Cartaz

A aplicaçom dos elementos resultantes combinada com a informaçom que devia ser transmitida proporcionou o desenho para o cartaz:

Logótipo

Ao desenho base acompanhou uma adaptaçom do logótipo do EuroPar, que historicamente tinha uma forma tomada de representaçons gráficas elaboradas por computadora, mas que presentava importantes limitaçons técnicas na hora da aplicaçom e resultava, ademais, desfassado quanto à estética contemporânea. Velaí uma comparativa dos logótipos históricos e a nossa renovaçom:

 

O logótipo foi aceite para a versom em curso do congresso, enquanto a forma histórica conservou-se este ano para manter conexom visual com a identidade anterior.

Sinalética e grande formato

O congresso reparte-se entre várias salas em workshops e conferências. Há também espaços de informaçom e reparto de acreditaçons para as pessoas atendentes, e outros espaços que é necessário distribuir e ordenar:

Escenografia

Para enmarcar as conferências criamos elementos de grande formato e volume: uma representaçom do logótipo renovado do EuroPar 2017 em 2.5 metros de diámetro, e uma reproduçom de 2×3 metros do cartaz da conferência em fórex.

 

Acreditaçons, programas, livretas e camisolas

A cada pessoa foi-lhe proporcionada uma acreditaçom que diferencia ao pessoal ponente, ao staff e a quem simplesmente atendia ao evento. Isto foi feito de forma deliberadamente discreta por petiçom da organizaçom, mas clara: para quem conhece o esquema de cores é suficiente uma olhada; para quem nom, nom se proporciona essa informaçom.

No reverso da acreditaçom vai impresso um resumo dos horários da conferência. O prego é dobrado ao meio e no interior incluem-se telefones de interesse, a distribuiçom de aulas do evento e informaçom útil de segurança e chaves da WIFI. Pregado em 4, o resultado é um folheto que pode ser pendurado num lanyard e fai às vezes a funçom de acreditaçom e resumo informativo.

Adicionalmente desenhamos e criamos também camisolas para o pessoal do evento.

Site web

Em paralelo ao desenvolvimento da imagem gráfica trabalhamos também o site para o congresso, que devia presentar informaçom em vários níveis: em primeiro lugar, os praços mais urgentes do call for papers e datas límites de inscriçom, e a medida que foram passando aquelas, o programa atualizado do congresso e as notícias relativas ao mesmo. Também Devia contar com espaço para informaçom geral de contato, sobre a cidade, informaçom de hospedagem, etc.

O site conta, ademais, com um sistema de reservas on-line bastante complexo, em que é possível seleccionar os workshops aos que atender, as comidas para cada dia, os eventos sociais relacionados com o congresso, etc. O custo do registro é atualizado em tempo real, bem como opçons relacionadas (o numero de tickets para atender à cea de gala no suposto de que se atenda à mesma, etc).